അർപ്പണബോധത്തോടും ചിട്ടയായതുമായ പ്രവർത്തനം… കെഎസ്ആർടിസി ബസ്സുകളുടെ ഓഫ് റോഡ് നിരക്ക് കുറയ്ക്കുന്നതിൽ സമീപകാല റെക്കാർഡ്…

കെഎസ്ആർടിസി ബസുകളുടെ ഓഫ് റോഡ് നിരക്ക് പരമാവധി കുറച്ച് 5% ത്തിൽ നിലനിർത്തുന്നതിന്റെ ഭാഗമായി ആരംഭിച്ച പ്രവർത്തനങ്ങൾ ഫലപ്രാപ്തിയിലേക്ക് എത്തുകയാണ്. 2024 ജനുവരി മാസത്തിൽ ഓഫ് റോഡ് നിരക്ക് 1000 ആയിരുന്നത് ഓഗസ്റ്റ് മാസം 500 ന് താഴെ എത്തിക്കുവാനായി സാധിച്ചിട്ടുണ്ട്. ബഹുമാനപ്പെട്ട മുഖ്യമന്ത്രിക്ക് കെഎസ്ആർടിസിയുടെ പ്രവർത്തനക്ഷമത വർദ്ധിപ്പിക്കുന്നതിൻ്റെ ഭാഗമായി ഓഫ് റോഡ് 500 നു താഴെ കൊണ്ടുവരുമെന്ന് ഉറപ്പ് നൽകിയിരുന്നു.

സെൻട്രൽ റീജ്യണൽ വർക്ഷോപ്പുകളിൽ ഷിഫ്റ്റ് സമ്പ്രദായം നടപ്പിലാക്കുകയും കൃത്യസമയങ്ങളിൽ ആവശ്യമായ സ്പെയർപാർട്സ് ലഭ്യമാക്കുകയും ആവശ്യമായ മെക്കാനിക്കുകളെ ലഭ്യമാക്കുകയും വർക്ക് ഷോപ്പുകളിൽ മെക്കാനിക്കൽ ജീവനക്കാർക്ക് കൂടുതൽ സൗകര്യങ്ങൾ ഏർപ്പെടുത്തുകയും എൻജിൻ, ഗിയർ ബോക്സ്, ക്രൗൺ & വീൽ, സബ് അസംബ്ലി അടക്കമുള്ളവയ്ക്ക് പ്രൊഡക്ഷൻ ടാർജറ്റ് നൽകി പ്രൊഡക്ടിവിറ്റി വർദ്ധിപ്പിക്കുവാനുമായതാണ് ഇത്തരത്തിൽ അതിവേഗം ഓഫ് റോഡ് കുറയ്ക്കുന്നതിനായി സാധിച്ചിച്ചുള്ളത്.

വർക്ഷോപ്പുകളിലേക്ക് മെയിൻ്റനൻസ് സംവിധാനത്തിനാവശ്യമായ മെക്കാനിക്കൽ ജീവനക്കാരെ പുനക്രമീകരിച്ചതിൻ്റെ ഭാഗമായി ബസുകളുടെ കൃത്യമായ പീരിയോഡിക് മെയിന്റനൻസ്, എൻജിൻ അടക്കമുള്ള യൂണിറ്റുകൾ ലൈഫിന് അനുസരിച്ചുള്ള റീപ്ലേസ്മെൻറ്, ഇലക്ട്രിക്കൽ, എയൽ സിസ്റ്റം എന്നിവയുടെ സൂപ്പർ ചെക്കിംഗും പരിപാലനവും എന്നിവ ഒർപ്പെടുത്തിയത് വഴിയും വാഹനങ്ങളുടെ ഓഫ് റോഡ് നിയന്ത്രിക്കാൻ കഴിഞ്ഞു.

കൂടാതെ കെഎസ്ആർടിസി ചീഫ് ഓഫീസ് തലത്തിൽ സിംഗിൾ യൂണിറ്റുകൾക്ക് വേണ്ടിമാത്രം ഡോക്കിലാകുന്ന ബസുകളുടെ സ്പെയർപാർട്സ് ആവശ്യകതകൾ, ബ്രേക്ക് ഡൗൺ തുടങ്ങിയവ വിലയിരുത്തി വാഹനങ്ങളുടെ കാര്യക്ഷമത വർദ്ധിപ്പിക്കുന്നതിനായി ചെയർമാൻ & മാനേജിങ് ഡയറക്ടറുടെ നിർദ്ദേശമനുസരിച്ച് കെഎസ്ആർടിസിയിൽ കൃത്യമായ മോണിറ്ററിംഗ് സംവിധാനം ഏർപ്പെടുത്തുകയും ഇതിൻറെ ഫലമായി ഓഫ് റോഡ് കണക്ക് ഏകീകരിക്കുന്നതിനും ആയതിൻ്റെ തുടർനടപടി സ്വീകരിക്കുന്നതിനും സഹായകരമായി. ഇത്തരത്തിലുള്ള കൃത്യമായ മോണിറ്ററിങ്ങിലൂടെ സിംഗിൾ യൂണിറ്റുകൾ ആവശ്യമായ വാഹനങ്ങൾ പ്രസ്തുത ദിവസം തന്നെ ലഭ്യമാക്കി സർവ്വീസ് നടത്തുന്നതിന് സാധിച്ചിട്ടുണ്ട്. സി എഫ് നുള്ള വാഹനം കാലേക്കൂട്ടി പ്ലാൻ ചെയ്തു നടപ്പിലാക്കി. ആയത് അതിവേഗം കെഎസ്ആർടിസിയിലെ ഓഫ് റോഡ് നിരക്ക് 500ന് താഴെ എത്തിക്കുന്നതിന് ഗുണകരമായിട്ടുണ്ട്.
കൂടാതെ ബഹു. ഗതാഗതമന്ത്രിയുടെ നിർദ്ദേശപ്രകാരം കൂടുതൽ ഓഫ് റോഡ് / ആക്സിഡൻറ് ന് കാരണമായ ഡിപ്പോകളുടെ യൂണിറ്റ് അധികാരികളെയും ഗ്യാരേജ് അധികാരികളെയും നേരിൽ കണ്ട് അവലോകനം നടത്തുകയുമുണ്ടായി.

കെഎസ്ആർടിസിയിലെ മുഴുവൻ ജീവനക്കാരുടെയും കൂട്ടായ പ്രവർത്തനഫലമായാണ് 5529 കെഎസ്ആർടിസി ബസുകളും 434 സിഫ്റ്റ് ബസുകളും സർവ്വീസ് നടത്തുന്നതിൽ ഓഫ് റോഡ് നിരക്ക് 500 ൽ താഴെ എത്തിക്കുവാൻ കഴിഞ്ഞത്.

കെഎസ്ആർടിസി ബസുകളുടെ ഓഫ് റോഡ് നിരക്ക് 5% ൽ നിലനിർത്തുന്നതിനും ചിട്ടയായ മെയിൻറനൻസിലൂടെ പ്രവർത്തന ചിലവ് കുറച്ചുകൊണ്ടു വരുവാനും ആണ് തുടർന്നും ലക്ഷ്യമിടുന്നത്.